Kaixo ikasle eta dantzakideok
Aspalditik AIKO Taldearen Dantzaldi Ibiltariak dantzaren inguruan elkartzen gaitu, astero dantza eskoletan eta lantzean behin erromerietan, dantza asteburuetan, dantzategietan... Dantza gure biziaren partetxo bat dela esan dezakegu eta gustora eta pozik lagun artean egiten dugun zerbait. Koronabirus honek ekarri digun egoera berriaren aurrean idantza aikorekin plataforma sortu dugu Dantzaldi Ibiltariaren ekimenekin nola edo hala sarean, online jarraitzeko. Honen inguruko informazioa emailez, web orrialdean, facebooken eta whatsapp bidez ere igorri dizuegu. idantza aikorekin esperientzia oso interesgarria suertatzen ari da eta lagun arteko harreman zuzena falta bazaigu ere, bestalde, lagun berriak ere egin ditugu sarean (Milanetik, Buenos Airesera) eta Sabin Bikandirekin orain arte eskola eta ikastaroetan landu ez ditugun hainbat arlo eta kontu lantzeko aukera ere izan dugu. Gu oso pozik gaude.
Hilabete luzez, dantza eskolak egunero emanez ekin diogu YouTube bidez, eta apirilaren 20an hasita, aste santuko eskola oporrak bukatzen direlarik eta gutariko askok lanari ekin beharko diogunez, gure ohizko eskaintzara bueltatu eta maiztasun "normalera" bueltatzen gara: "Oinarrizko dantza ikastaroa" astelhenetan eta "Dantzagunea" ostegunetan, 90 minutuko saio bana astero, 18:30-20:00.
*Eskola sesio bakoitza aste betez gutxienez sarean grabatuta eta ikusgai izango duzue, horrela, komeni zaizuen ordutegian ikusi/erabili ahal izateko.
DANTZAGUNEA
2020-06-18, OSTEGUNA, 18:30-20:00
OINARRIZKO DANTZA IKASTAROA
2020-06-15, ASTELEHENA, 18:30-20:00
DANTZAGUNEA
2020-06-11, OSTEGUNA, 18:30-20:00
OINARRIZKO DANTZA IKASTAROA
2020-06-08, ASTELEHENA, 18:30-20:00
DANTZAGUNEA
2020-06-04, OSTEGUNA, 18:30-20:00
Guzti honen inguruko informazioa puntualki web orrialdean eta facebooken izango duzue.
Eskerrikasko hor jarraitzearren, eta jarraitu dezagun dantzan elkarrekin.
AIKO Taldea
