Abuztuan ere AIKO Taldearekin dantzan egiteko aukera ederra dugu... aprobetxatu dezagun udaldia!!
Abuztuak 6
13:00 BERMEO (Lamera Parkean)
BBK DANTZALDI IBILTARIA
BBKren Dantzaldi Ibiltariak oraingoan Bermeora garamatza eta berton, Lamera Parkean, 13:00tan, bermut erromeria egiteko proposamena, bazkaldu aurretik dantzan ondo pasatzeko asmoz. Zatoz!
Abuztuak 7
17:00 BERRIZ, SAN LORENTZO
DANTZALDI ERROMERIA
Berrizko auzo eder bat da San Lorentzo, eta berton, duela 70 urte Alejando Aldekoak dantza taldea martxan jarri eban. Hori ospatzeko jai egun ederra antolatu dabe auzoan eta 17:00tan AIKO Taldeagaz dantzan eiteko aukerea eukingo dogu. Non? San Lorentzo ermitean. Animau!
Abuztuak 10
18:00 ZARATAMO, SAN LORENTZO EGUNA
DANTZALDI ERROMERIA
San Lorentzo eguna ospatzeko 18:00tan herriko plaza ederrean dantzaldi-erromeria AIKO Taldearekin. Erdu!
Abuztuak 20
20:00 PLENTZIA, Untziolan
BBK DANTZALDI IBILTARIA
Dantzaldi erromeria Aiko Taldea Plentziako Astillero Plazan
Euria egingo balu Plentziako Jai-alai frontoian
Abuztuak 24
12:00 Bilbo. Areatza. BILBOKO BANDA + AIKO eta Dantzapoteoa
DANTZALDI ERROMERIA
Urte batzuk pasatu dira AIKO Taldeak eta Bilboko Udalaren Bandak BANDtzaldia estreinatu zutenetik Azkuna Zentruan, eta datorren abuzturaren 24ean, asteazkenez, eguerdiko 12:00tan Bilboko Areatzan berriz izango ditugu beraien musika ederrarekin dantzan gozatzeko.
Oraingoan talde biak, AIKO Taldeko dantza maisuen gidaritzapean arituko dira, baina bakoitzak bere doinu eta errepertorio bereiztuekin. Horrela, José Rafael Pascual Vilaplanaren batutak zuzenduta, besteak beste, Joseph STRAUSSen Radetzky Marsch, Carmelo BERNAOLAren Paco Molero pasodoblea edo Dimitri SHOSTAKOVICHen 2. balsarekin dantzatzeko aukera izango dugu. Eta noski, AIKO Taldearen marka daramaten dantza jauzi, jota, mazurka eta abar luze bat... Eta AIKO Taldeak Arenallean hasi bai, baina gero, Zazpi Kaleetara joko du urteroko Dantzapoteo nagusia ospatzeko betiko Calle del Perro eta ingurutik.
Animatu... Dantza eguna Aste Nagusian! Aiko eguna!
Animatu zaitez!
