Lekeitiok Dantzazale Eguna antolatuko du maiatzaren 9an

Doako dantza ikastaroak apirilaren 11n, 18an eta maiatzaren 2an, plazan.

Lekeitiok Dantzazale Eguna antolatuko du maiatzaren 9an, AIKO dantza taldearen eskutik. Herritar guztiei zuzendutako jai irekia izango da, dantza gustuko duten guztiek elkarrekin dantzatzeko aukera izan dezaten.

Lekeitio herri bizia eta kulturalki aberatsa da, eta bere historian zehar musika eta dantzak presentzia berezia izan dute herriko bizitzan. Bestalde, Lekeitiok lotura estua du euskal kulturaren ikerketarekin ere. Hemen jaio zen Resurrección María de Azkue, euskal musikaren eta ahozko tradizioaren ikertzaile eta biltzaile nagusietako bat. Haren lanari esker euskal ondare musikalaren zati handi bat gaur egunera arte iritsi da.

Testuinguru horretan sortu da Dantzazale Eguna, Lekeition dantza partekatua sustatzeko helburuarekin.

Dantzazale eguna

2026ko maiatzaren 9an egingo den Dantzazale eguna berezia izango da. Alde batetik, AIKO Taldearen 20. urteurrenarekin bat egingo du; eta bestetik, ETBk ekitaldiaren grabaketa berezia egingo du. Horri esker, Lekeitioko giroa eta dantza tradizioa Euskal Herri osora zabaltzeko aukera izango da.

AIKO Taldea musika eta dantza tradizionaleko profesionalen taldea da, eta 2006tik euskal ondare musikala eta koreografikoa ikertu, berritu eta zabaltzen ari da. Bere ibilbidean milaka ikasle igaro dira taldearen dantza eskoletatik, hainbat disko grabatu dituzte eta ehunka erromeria, jaialdi eta ikastaro eskaini dituzte.

Taldeak lotura berezia du Lekeitiorekin, urte askotan dantza eskolak eman baititu ikastetxeetan, eta herrian ikasle eta dantzazale ugari baititu.

Dantza tailerrak

Dantzazale Eguna prestatzeko, AIKO Taldeak dantza tailer irekiak eskainiko ditu aurreko asteetan. Tailer hauetan ikasitako dantzak maiatzaren 9ko jaian bertan dantzatuko dira.

Tailerrak eguerdiko 12:00etan izango dira Plazan (eguraldi txarra balego, elizapean), egun hauetan: Apirilak 11, 18 eta maiatzak 2.

Egitaraua

13:00 – Dantzaldi ibiltaria, AIKO Taldea eta lagunekin, Kofradi ingurutik hasi eta

plazaraino.

Maiatzaren 9ko egitaraua eguerdian hasiko da dantzaldi ibiltari batekin, AIKO Taldea eta lagunekin Kofradi ingurutik abiatuta.

17:00 – Bazkalondoko kantaldi eta dantzaldiak

Arratsaldean, bazkalondoko kantaldi eta dantzaldiak izango dira hainbat talderen parte-hartzearekin: AIKO Taldea, Lekeitioko Estudiantina, Roberto eta Miren Etxebarria, Jarauta 69 txaranga, Bizkaiko Gaiteroak, Malen eta Andere Zobaran, Rakel Pujana eta beste hainbat musikari eta dantzariren eskutik.

21:00 – Larrain-dantza eta agurra

Egitaraua gaueko 21:00etan amaituko da larrain dantzarekin eta agurrarekin.

Dantza tailerrak (doakoak eta irekiak)

Dantzazale Eguna prestatzeko, AIKO Taldeak dantza tailer irekiak eskainiko ditu aurreko asteetan. Tailer hauek herritar guztiei zuzenduta daude, aurretik izena eman beharrik gabe, eta bertan ikasitako dantzak maiatzaren 9ko jaian dantzatzeko aukera izango da.

Saio guztiak 12:00etan izango dira Plazan (eguraldi txarra balego, elizapean).

· Apirilak 11 – Bikote dantzak

· Apirilak 18 – Lizarrako larrain-dantza

· Maiatzak 2 – Dantza solteak